নৈনগদবা য়েতন-ৱারোল
ভারতকী লৈঙাক্নোন
  


নিউ
ভারতকী শক্তিগী থোংজংসু
ভারতকী ঈশিংগী থোংজংসি

  লোল
  English
  हिन्दी
  বাংলা
  മലയാളം
  অসমীয়া
  ಕನ್ನಡ
  ارد و
  தமிழ்
  नेपाली
  ଓଡ଼ିଆ
  ગુજરાતી
পান্দম থম্লিবা হিরমশিং | লন-থুম্ ঙাকচনবগী লৌশিংগী হকশিং (আই পি আর-ইন্টলেকচুয়েল প্রোপর্টি রাইটস্)

ইন্টলেকচুয়েল প্রোপর্টি রাইটস্ (আই পি আর শিং)

মালেম শিন-থুংনা চতনহনবা শেনমীতলোন অমগী অকক্নবা হিরমগীদমক, ঙসিগী খুন্নায়দা হৌবা লুপশিং অমসুং শেল-থুমগী মরীদা থাদোক্নবা য়াদ্রবা লাল্লোং-খুতলায় অমা ওইনা আই পি আর ফাওগতলক্লে৷ মালেমগী কৈথেলশিংগা লম্বা পাবা ঙম্নবা পোতশক অমগী তৌবা ঙম্বা হায়বসি বিজ্ঞান অমসুং শিনশারোলগী মতেংনা অনৌবা ৱাখল-ঈথিল পোকহনবা মঙম্ অদুদা চাওনা মখা পোল্লি, অদুগা অসিগুম্বা ৱাখলশিংসি লন-থুম থোকহনবা পোত্থোক্কী মশক্তা ওন্থোকলকই৷ আই পি আরনা অকক্নবা মতম খরখক্কী ওইবদা, মপুশিংদা মরন্নায়গী ওইবা পোত্-চৈ য়োনবগী হক শিন্নদুনা, শেনমীতলোনগী মমল য়োকখতপদা অমদি অনৌবা ঈহুল পীবদা থৌগতনঙায়গী মরুওইবা কয়াত্ অমা ওইনা চোংথোরক্লে৷ মহয় কান্নবা ফংহনবা আই পি আরগী পথাপ হায়বসি থাজনীংঙায় ওইরবা আইনগী লৈঙাক-শাসনগী মচাক (কন্সটিট্যুন্ট) অমনি, অদুগা মসিনা অতোপ্পা লৈবাকশিংগী মরীদা লল্লোনবগী শেল-থাদবা অমদি শিনশারোলগী মহৈ পীথোক-পীশিন তৌনবগী ৱাফমদা ৱারেপ লৌনবগী মরুওইবা কয়াত্ অমসু ওইরক্লী৷

হিরমসিদা মরুওইবা পথাপকী য়েতন-ৱারোলশিং অদুদি :
  • আইনগী (চতনবী) মনুংদা কোনশিন্দুনা থম্লিবা ঠিকা লৌবগী হকশিং অমসুং তৌগদবা থৌদাংশিংবু ময়েক শেংনা শক্তাক ৱারোল পীবা
  • চতনবীবু (আইন) ইকায় খুম্নবা
  • কান্নঙায় ওইরবা চতনবীগী পথাপ্পু থবক ওইনা পাংথোকহন্নবগীদমক মপুং-মরৈ ফাহনবা
  • চপ-চানা চুম্লবা, শুগায়না ৱারোল তাক্লবা, হেক্তা শিজিন্নবা য়াবগী মওংদা লৈরবা আই পি আরগী ঈ-পাউশিং ফংহনবা য়াবগী থৌওং; কাংলুপ-কাংলুপশিংদা আই পি আরগী থবক তৌবশিংবু লিশাং-শিতনা শিল্লম-শিন্তাকপগী খুদোংচাবা ফংহনবা
  • আই পি আর লোয়শংশিংদা মীওইবা-খুন্নায়গী উপায়শিং য়াওনা, হৌজিক্কী মতমগী ওইবা শেম-শাগত্নবগী পোতচাকশিংগী শকওং (ইনফ্রাষ্ট্রকচর)বু শেমগতপা অমসুং মপুং-মরৈ ফাহনবা
  • য়াম্না পুক্নিং-থিংজিন্নীংঙায় ওইবা মওংদা, তোঙান-তোঙানবা আই পি আরগী লোয়শংশিংদা থবক-থৌরম শিনবগী থৌওংশিংবু খল মান্ননা অমসুং থোং মান্ননা চতমিন্নহনবা
  • লৌশিংবু শেমগতপগী, শীজিন্নবগী অমদী শন্দোকপগী চত্থরকপা থৌওংশিংদা আই পি আরগী মশা খিংলবা নাত্ অমবু মপুং-মরৈ ফাহনবা, অমদি মসি পুম্নকসি কৈথেলনা পাম্লকপা দাবি অমসুং মদুদগী ফংলকপা মহয়শৈংগা মরী লৈনৈ৷