নৈনগদবা য়েতন-ৱারোল
ভারতকী লৈঙাক্নোন
  


নিউ
ভারতকী শক্তিগী থোংজংসু
ভারতকী ঈশিংগী থোংজংসি

  লোল
  English
  हिन्दी
  বাংলা
  മലയാളം
  অসমীয়া
  ಕನ್ನಡ
  ارد و
  தமிழ்
  नेपाली
  ଓଡ଼ିଆ
  ગુજરાતી
পান্দম থম্লিবা হিরমশিং | ই-শাসন (গোভর্ন্যান্স)

ই-শাসন (গোভর্ন্যান্স)

নাগরিকশিংনা (লৈবাকমচাশিংন) অমগ-অমগা মরী ফাওনহনবদা চংলিবা ৱাফম কয়ামরুম অদুবু লায়থোকহন্নবা ই-শাসনগী অদুগুম্বা তৌবঙম্বা মঙমদু লৈ৷ নাগরিকতগী অকক্নবা তুংনফম শেমগত্তুনা হায়রিবা ই-শাসনসিনা পোত্-চৈ পীথোকপদা থুহনবা, পোত্থোক হেন্না পুথোক্নঙায় ওইহনবা, অমদি মতিক-থোক্না থবকশিং তৌবগী মতৌদু শোয়হন্দবগা লোয়ননা ফংফম থোকপা মীয়াম্বু মখোয়গী কান্নবশিং ফংহনবদা শোয়হন্দে৷

ই-শাসনগী কান্নবশিং খরদু মখাগীশিংসি মনুং চল্লি :
  • পোতকী মমল হন্থহনবা অমসুং মীয়ামগী থবকশীংগী মগুন অমসুং মঙম-শানবদা হেঙ্গতহনবা৷
  • পোত্-চৈ থাদোক-থাজিনগী মমলশিং অমসুং মতমশিং হন্থহনবা৷
  • নাগরিকশিংদা শক্তি পীথোকপা অমসুং পোত্থোক পুথোক্নঙায়গী থৌদৌ-মতাশিংবু নৌনা খুতনায়হনবা৷
  • হেন্না মতিক থোকপা অমসুং পোত্থোক পুথোক্নঙায়গী থৌদৌ-মতাশিংবু নৌনা খুতনায়হনবা৷
কেন্দ্রগী অমসুং ষ্টেটকী থাক্তা লৈরিবা তোঙান-তোঙানবা ই-শাসনগী হোতনবা থৌদাংশিংবু মথং-মনাও নায়না ৱা-খন্নরবা অমসুং নৌনা ৱারোল শেমদোক্লবা মতুংদা, জাতিগী লৌশিংগী হক শিন্নরবা লুপ্না থোয়দোক-হেন্দোক্না মশক নায়রবা কাংবু অমা ই-শাসনবু নৈননবা শেম্লে৷ হায়রিবা কাংবুসিনা পীখতলকপা পাউদমসি প্লান্নিং কম্মিসনদা (থৌশিল-থৌরাংগী হক শিন্নরবা কাংলুপ) থমদুনা মুন্না খন্ন-নৈনৈ, অমদি ঈ-পাউ ফাওননবা অমসুং থাননবা শীনশারোলগীদমক লৈরীবা মন্ত্রিদা অমসুং মন্ত্রিশিংগী ওইবা মীফমকোনশিংদা (ষ্টাফ) খুতশিন্নৈ৷ মতুং তারকপদা, থবক-থানা হন্না শেমদোক্নবগী হক শিন্নরবা লুপ (এডমিনিষ্ট্রেটিব রিফোর্ম কম্মিশন) য়াওনা পুন্না পুন্না পোত্ লৈবা লল্লোনবশিংগা ৱা-তান্নবশিং পাংথোকই৷ ৱা-তান্নবশিংসিদা য়ুম্ফম ওইরগা, হক শিন্নরবা লুপ্না (কম্মিশন) ই-শাসনগী মরমদা পীবা য়াবা শকখঙ্-ৱারোলশিং প্রধান মন্ত্রিদা ২০০৬ ইংগী জনুৱারীদা খুতশিন্নখ্রে অদুগা মখোয়শিংদু ২০০৬ ইংগী মে থাদা ফোংদোকখ্রে৷

শেম-শাগতনবা মচাক্কী শকওং (ইনফ্রাষ্ট্রকচর), ঈ-পাউগী খুতনায়রোল (টেক্নোলোজি) অমসুং অকুপ্পা নোংথাংগী তাইবং (ইলেক্ত্রোনিক্স) হায়রিবশিংসিদগী থবক-থানাবু হন্না শেমদোক্নবগী হেন্না খুদোংচাবা পীহল্লীবদি ই-শাসন্ননী হায়বসি হক শিন্নরবা লুপকী (কম্মিশন) পাউদম্না হন্না হন্না লাওদুনা লাক্লী৷ ই-শাসনগী মরীদা পীখতলকপা শকখং-ৱারোলশিংসিনা অসিগুম্বা চংশিল্লকপা খোংহৌশিং (প্রোসেস), চতনবী মশাংশিং (ষ্টেন্দার্দ), শেম-শানবা মচাক্কী শকওং (ইনফ্রাষ্ট্রকচর) অমসুং অপুনবা লুপশিং হায়রিবশিংগা পাক-চাওনা মরী লৈনৈ৷ মখোয়শিংসিনা চংলিবা পোতলমশিংবু অসুম্না পুক্নিং থিংজিল্লী :
  • পুকচেল-তিংবা, অমগা-অমগা খঙদোক্নবা, পোত্থোক পুথোক্নঙায় ওইবা অমসুং মতিক-থোক্না পাংথোকপা ঙম্বা হায়রিবশিংসি লৈনবগীদমক ঐখোয়গী মরু ওইবা শাসনগী নোম্না হোংনবা অহানবদা লৈঙাকপগী খোংজংশিংবু নৌনা খুতনায়হল্লু৷
  • খম-থেঙনা খেতনবা পুথোকপা, অমদি মদুনা লায়থোকহনবগা লোয়ননা ৱেবতা য়ুম্ফম ওইবা থবকশিং ফংহনবা অদুগুম্বা থবক ১০ দগী ২০ ফাওবা খনগতলু৷
  • মান্নবা চতনবী মশাংশিং মপুং-মরৈ ফাহল্লু অমদি ই-শাসনগীদমক মান্নবা খুদা/ শেম-শানবা মচাক্কী শকওং শন্দোকউ৷
  • নিংথিনা খুতনায়রবা ই-শাসনগী থবক পাংহনবগী মতৌ অমসুং ৱেব (নোংথাংগী ওইবদা মরী চতনহল্লিবা থবক) অনিগী লংদায়দা উরিবা শকফমগা লোয়ননা, অনৌবা জাতিগী থবক-থৌরমশিং (ভারত নিরমন, খুঙ্গংগী থবক পীবগী তাংদাংহনবা থৌরাং-রুরেল ইমপ্লোয়মেন্ট গ্যারন্টি স্কিম্ অসিনচিংবা য়াওনা) হৌদোকউ৷
জাতিগী ওইবা ই-শাসনবু মায় পাক্নবগীদমক্তা, মরন্নায় পাঞ্জবগী হক অমসুং দায়ী পুজনবগী মপুং ফানা ফংলবা, অদুগুম্বা মীয়ামদা শন্দোক্নবা থৌওং (মিসন মোড) অমগী মওংদা থবক পাংহন্নবা কেন্দ্রগী ওইবা লুপকী শবানশিং পানখতপা হায়বসি অরুবা অমনি৷ লমজিংবগী কল্লবা লিচিংনা পুল্লবা মশক্কা লোয়নরবা লৈঙাক্লোনগী নৌনা খুতনায়হন্নবা খোংজংশিং, লন্নায় পাঞ্জবগী হক পুরবা মতৌ, শীন্দোক-শীঞ্জিন য়াবা মশক, হিরমদা ময়েক শেংবা, মাংওইনা মশকতাক্লবা খুতশিন্নবা পোতলমশিং, য়াম্না মরুওইবা থৌদোক-ৱাথোকশিং অমসুং তাঙ্কক নায়না পুথোক্লীবা পাউদম-পাওমীশিং অসিনচিংবা অসিগা মরী লৈনরীবা লুপকী য়েতনা ৱারোলশিংসি চহি ৩ দগী ৫ ফাওবগী মনুংদা জাতিগী ই-শাসনগী থৌরম্বু পাংথোকহন্নবা অমুক হন্না য়েংশিনবা মথৌ তাই৷